الطبق اللي عملته اليوم

[خيبر]

بسمه تعالى
اللهم صل على محمد وآل محمد

بما ان طبق خبيصة بودمغه اللي عملته اليوم
طلع حلوه بحط لكم الطريقة والصور
وكالعادة ما احب التزم بالمقادير لازم افنتج
عاد لا اتصدقون ان اسمه خبيصة بودمغه هههههه
خصوصا اللي ما يعرف هالكلمة ,,,,اتفقنا<d

المقادير والطريقة مع بعض :

في حلة الباريكس او اي حلة عندكم

الطبقة الاولى :

تدهن الحله بزيت و يصف كيس السندويش
(صمول ما ادري صمون ) مقطع بطول

الطبقه الثانية:

نحط على النار قليل من الزيت و نص بصله مقطعة وملح وبهارو حبة واحدة من الباذنجان المقطعة (انا ما قشرتها)
نغطيهم ونتركهم على النار وما تكون النار عالية حتى يصير الباذنجان لين بس ما يصير لين العضوه اللي عندنا يعني يصير طري
وبعدها نحط معاه قوطي تونا ونخلطهم جميعا ونرفعهم عن النار ونحط المزيج في الحله على السندويش المقطع


الطبقة الثالثة:

نخلط قوطي قشطة واربع ملاعق جبن سائل ونصبهم ايضا في الحلة


ونحط الحلة في الفرن حتى يتحمر من فوق وعليكم بالعافية <d







اذا ما فهمتو كلمة والا شيء اتصلو على الرقم
000000000000000000000000000000000 ضغطوا على الصفر لمن تتعبون




الصور بحطهم في رد ثاني بس خلوني اتخانق مع مواقع التحميل لمن اشوف موقع سنع يحمل الصور_:_

[خيبر]

توني انتبه
ظنيت اني في قسم المطبخ :-
يامشرفين يا حلوين اذا ما عليكم امر نقلو موضوعي لقسم الطبخ ((:

[خيبر]

وهذا الصور




http://www.3sl3.com/up/upfiles/rZf25428.jpg






http://www.3sl3.com/up/upfiles/9bn25584.jpg






وهذا بعد ما طلعناه من الفرن



http://www.3sl3.com/up/upfiles/LIl25746.jpg






http://www.3sl3.com/up/upfiles/Cvf25812.jpg






لا تقولون صغريهم ما اعرف اصغرهم

[أبو منتظر]

نقل هذا الموضوع الي هو خبيصه بودمغه بناء على طلب الاخت خيبر نقلناه الى قسم المطبخ
طبعا الموضوع لايختص بالمطبخ لانه فيه اسم الاخت لين وفيه اسم محافظة الحله في العراق وفيه صمون مدري صمول وفيه رقم تلفون 00000000000000 وفيه عركه مع مواقع التحميل وفيه ما اعرف اصغر الصور
اتصدقين اختي والله ضحكتيني بطريقتج بالشرح يعني عجبتني طريقة الشرح اكثر من الطبق
شكراااااااااااا للاخت خيبر

[محبة البضعة]

اللهم صل على محمد وآل محمد

هههههههه أشهد انك حساويه
تسلم ايدك
بو دمغة على طول طرتي على وضع الموضوع قبل لا تشوفين القسم
ههههه تسلم ايددددك ام زهراء

وعوافي على اللي كله
وألف عافيه على اللي مر على موضوعك ما كله^_*

حرستكم البتول

[خيبر]

بسمه تعالى
اللهم صل على محمد وآل محمد

الاخ الكريم بومنتظر
لازم تعمل الطبق اليوم وخلي زوجتك ترتاح اليوم
الوصفه فيها تونا ترى

اختي العزيزة محبة البضعة
شفت عنوان موضوع شنهو فطوركم اليوم فما انتبهت للقسم قلت احط الموضوع بس تفاجئت لما شفت القسم


شاكره مروركم الكريم

[ام مجتبى]

تسلمممممممممممممممممممممممممممممم ايدك أم زهراء :)
خوش اختراعات مطبخيه
ان شاء الله بطبق اذا ما عارضت ست المطبخ
بس عقلي يقول لو بريده بدل سندويش افضل ولا شرايك ((:

الف عافيه في شبودكم

وننتظر اخترعاتك المطبخيه المستقبليه ^^^

ولك مني لتلبية طلبي تسبيحة الزهراء&)

[ام مجتبى]

بس يا حظي ليه الصور معكوسه >>>> كأنها معوقه
وبعد اشوف في الصور فيلفله ماقلتي في الكتابه >>>> تقصين على الاوادم ها

[خيبر]

بسمه تعالى
اللهم صل على محمد وآل محمد
هههههههههههه
وانا اقلب في الذاكره
هل نسيت شيء مني والا مناك وانا اقول لا هذا المقادير كلها
فعلا
انا حطيت نص فليفله مقطعه بعد ما طفيت النار عن الخلطه التونا والباذنجان
الصراحة شكل الصورمب حلو بس طعمها حلو
فكره احط السندويش اخذتها من اختك ام مهوووودي


اما الطبق اللي قلت لش بحطه غير ,,,,,
الصور في جوال بوزهراء ما حطهم في اللابتوب انتظري بعد سنه سنتين ونحطه

[خيبر]

بس يا حظي ليه الصور معكوسه >>>> كأنها معوقه
وبعد اشوف في الصور فيلفله ماقلتي في الكتابه >>>> تقصين على الاوادم ها

وانا اشدرانيه ليه صارو كذا
حميدي ربش حطيتهم وماتوهقت مع مواقع التحميل اللي يجيب بعضهم الصمرقع
بس في طريقه تعدلينهم هههه
نسخيهم وحفظيهم عندش وتصفحيهم مع الصور اللي عندش بتشوفين تحت الصورة سهم عشان تقلبين فيهم لمن يصيرون عدلين

[عاشقة الإمام علي]

بسم الله الرحمن الرحيم
اللهم صل على محمد وآل محمد وعجل فرجهم والعن اعدائهم

راح اسويها واقول لامي انا مألفه الطريقه من عقلي ههههه
ضحكتيني بالاسلوب اللي كاتبه فيه طريقة الطبخه
مأخذه راحتك هههههههه
الله يريحك دنيا وآخره بحق الزهراء فاطمه سلام الله عليها
بالعافيه عليكم
موفقه لكل خير

[خيبر]

بسمه تعالى
اللهم صل على محمد وآل محمد

اعملوها انتي وام مجتبى وقولوا لي النتيجة

[ام مجتبى]

خيبور قلت لأمي قالت اكثير>>تقصد اخواني مايحبوا التونه والباذنجان
*_*

[عاشقة الإمام علي]

خيبور قلت لأمي قالت اكثير>>تقصد اخواني مايحبوا التونه والباذنجان
*_*

بسم الله الرحمن الرحيم
اللهُم صلِّ على محمد وآلِ محمد وعجّل فرجهم ياكريم

ام مجتبى ماعليكِ منهم << داخله عرض
سوي نصف ولا ربع المقدار وجربي ولا بدلي التونه بلحم مفروم ^_^ نفس حالي
الى الآن ماسويت الطبق كنت تعبانه حدي اليوم وماشلت شيء في البيت
يلا جربي وانا وراكِ

[خيبر]

بسمه تعالى
اللهم صل على محمد وآل محمد
سووه
و لاتقولون لهم تونا وبتمشي عليهم هههه

[عاشقة الإمام علي]

بسم الله الرحمن الرحيم
اللهُم صلِّ على محمد وآلِ محمد وعجّل فرجهم ياكريم

تم التطبيق والطبق في الفرن
لكن بدل التونه وضعت لحم مفروم امي مارضت *_*
والمخافيس واجد في بيتنا يمكن ماينوكل هههه
عندنا مخفوس خضروات
ومخفوسة لحوم
موفقين لكل خير
بعد مايستوي راح احط صورته اذا مااحترق طبعا هههه

[ام مجتبى]

لا ياخيبور احنا ما نكذب >>>>>>>> ما شاء الله

ننتظر طبقك عشووووووووووووووووووووووق

[عاشقة الإمام علي]

بسم الله الرحمن الرحيم
اللهُم صلِّ على محمد وآلِ محمد وعجّل فرجهم ياكريم


الحمدلله تم الطبق
واكلوا منه اهلي .. تذوقته ووافقت اخوتي في الرأي كانه بيتزا على باذنجان ^^^
وانا ماحطيت ملح اضافي على ملح اللحم المفروم وصار طعمها باصج ((:

وهذا هي الصور

http://3sh8-ro7y.com/up/uploads/images/domain-c4adef3039.jpg (http://3sh8-ro7y.com/up/uploads/images/domain-c4adef3039.jpg)

http://3sh8-ro7y.com/up/uploads/images/domain-bd284e1835.jpg (http://3sh8-ro7y.com/up/uploads/images/domain-bd284e1835.jpg)

[عاشقة الإمام علي]

امممم
صحيح ماحطيت ساندوتش
وضعت بدل عنه بريد منزوع الاطراف :)
اسهل لي :) ولمذق احلى ^_^
وشكرا

[خيبر]

بسمه تعالى
اللهم صل على محمد وآل محمد
يسلمو على التطبيق
بس صار طبق ثاني
اهو بقى فيه شيء ما غيرتيه *^*

[ام مجتبى]

يعطيك الف عافية عشوق لهذا النشاط والاطباق الشهيه
شكله شهي ^_^

[شذى]

اطباق سعودية ماشاء الله عليكم لازم نجربها :)

[زينب لبنان]

غدا بحط لكم أكلة لبنانية انتظرونا شيء شهي بس ع شرط لازم تطبخوها اسمها {فريك بالدجاج }
انتظرووووووووووووووووووونا
اكلتكم شهية بجرب اعملها بس لروحي بس لان العيلة ما يحبوا الاكل العجيب .

[عاشقة الإمام علي]

اللهُم صلِّ على محمد وآلِ محمد وعجّل فرجهم

هههه اهلي عجبتهم اليوم زعزعوني من نومي ههه يلا قومي سوي لنا طبق خيبر هههه
لان الاخت مو حاطه له اسم فلازم بيصير بأسمها هههه
قمت عملته ويقولوا لي بكره سوي لنا بعد طيب ؟
قلت ذلفوا بس اهو ههههههه

[خيبر]

بسمه تعالى
اللهم صل على محمد وآل محمد
اهلا وسهلا
باهل لبنان واهل الاحساء
خلاص سمو الطبخة اسم خيبور او ام زهور