هل قط مرة حصلت تعهد (خلنا نشوف الفظايح)

[منوال]

بسم الله الرحمن الرحيم
السلام عليكم ورحمة الله وبركاته


اخوي اختي
قط مرة حصلتو تعهد
حتى اللي ماحصل الرجاء منه يشارك
ويقول اسوا حادث تعرض له في المدرسة



اللي حصل تعهد علية ان يجاوب على هذي الاسئلة:
1-ليش
2-اي صف
3- تستاهل ولا مظلوم
4-شنو كان لون ويهك
5-اذكر القصة كاملة

تبون ابتدي؟؟؟؟؟؟؟؟؟؟؟؟؟؟

لالالا

اول عشره يردون غيري

تحياتي

[ابراهيم]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

حصلت تعهد واحد السنه

كانت بداية قصتي وبداية الخطب الجلل

انه واحد من أشوف الشمس يغمى عليي
والمشرف يقول لازم اتروح الطابور لا اضربك نفس الطبل

ونه من النوع الي يحب يسمع الكلام
مارحت
جه أول مرة يقول لي روح
ما رحت

ثاني مرة
ما رحت ثالث مرة

المشرف ما يبه يعطيني تعهد

رابع مرة

الي ما وصلنه الى العاشر وجه المدير
يقول ليش تلعب وياه اعط سيده تعهد

اتعهد انه الموقع ادناه اني احضر الطابور
واني وجدت متلبسا ً دون وجه حق
ابراهيم


الصف : ثاني ثنوي تجاري
لون الوجه: عادي مع قليل من الاحمرار
الظلم:مظلوم لاني مريض

ونه فعلاً اغمى عليي في المدرسة
ومرة في صلاة العيد

[أنصار الحسين]

اللهم صلي على محمد وال محمد
الطيبين الطاهرين
السلام عليكم ورحمة الله وبركاته
الله يعطيك العافية
اني حصلت تعهد اول ثانوي تجاري
اكثر من مره اتسرب من الصف ولخوني بتعهد
اخر مره صادوني
لون وجهي كان ابيض واحمر وازرق كل الالوان
لانه كان فيها استدعاء ولي امري
اكيد مو مظلومه استاهل
لكن اتعلمت من هذه التعهد والحين لو شنو يصير ما اطلع من الصف
الا في الفسحه ههههههه

أختكم
أنصار الحسين

[بـنـت الـشـيـعة]

بسم الله الرحمن الرحيم
اللهم صلي على محمد وآل محمد
السلام عليكم ورحمة الله وبركاته

مشكووورة أختي منوال على هذا الموضوع الحلوو


وبالنسبه لي أنا :rolleyes: عطوني تعهد ثلاث مرات بس لأني كنت وااااايد شيطانة :cool: فصلوني من المدرسة ....

ورح أقولكم ليش فصلوني :(

أنا مع صديقتي أتفقنا أن لمن أهالينا يودونه المدرسة ما ندخل داخل وننحاش وين أنروح ما أدري بس المهم ننحاش :confused:


والحمد لله أنحشنا ومحد شافنا لا البنات ولا الحارس ولا حتى المدرسات ما شافونا :D

المهم الساعة صارت 12 وقررنا نقعد ورا المدرسة علشان نسمع صوت جرس الهده ونروح حق أهالينا ولا جنه صاير شي :p

بس للأسف في أحد شافنا وحنى قاعدين ورا المدرسة وراح بلغ إدارة المدرسة :(

وصادونا واستدعوا أولياء أمورنا وطبعا أكيد فصل ثلاث أيام :eek:

ومن يومها وأنا حرمت أشيطن وصرت خوووووووش بنت :p

كنت بالصف / الرابع المتوسط
إذا كنت مظلومة / طبعن كنت أستاهل:p
كان لون وجهي / طبعن صار كووكتيل ألوان

أختكم / بــنــت الــشــيــعة

[دموع السماء]

وعليكم السلام ورحمة الله وبركاته

هههههههههههههههههههه

<< داخله للشماتة

تسلمي أخت منوال

بس عن نفسي ما حصلت تعهد

وموقف محرج ؟

ما دري يمكن كثير لأني على أيام المدرسة كنت دائماً خجولة

بس أذكر موقف لما كنت في أول متوسط أول يوم طحت على وجهي والبركة الكرتون اللي فيه الكتب

ايام مضت

تسلمي منوال

[نداء الأمل]

بسم الله الرحمن الرحيم
وصلى اللهم على محمد وآله الأطهار...

أشكر اختي منوال على الموضوع الحلو...

بكل بساطة لأني نسيت البطاقة الأكاديمية واكثر من مرة في وقت امتحانات وكان منتشر الغش وكل وحدة تدخل بدل الثانية فالبطاقة كانت شي ضروري"تعرفون الواحد يصير همّه الدراسة وما يركز على الاشياء الثانوية" ....

قمت أصييح لأن قالو لي ما راح تقدمين لمتحان عاد أنا كل شي ولا الامتحان وبعدين المعدل ينزل فاتصلو في البيت .. وكلمتهم أمي قالت لهم ان البطاقة انغسلت بالغلط مع الثياب:confused: قالو لها ماعلي ييبوها...
بعدين تذكرت إني حطيتها من قدام في المريول ومن داخل عشان جذي أمي ما شافتها... وانغسلت حالها حال لثياب:(

كنت بالصف/ ثاني ثانوي..
مظلومة / أكيييييد بس الحمد لله كل شي عدا على خير
لون ويهي/ ملون ورديت أحل لمتحان حالتي حالة بس اشوى سويت زين ويبت درجة تشرف;)




مع تحياتي :) نداء الأمل

[آيــــه]

لا طبعاً ما حصلت على تعهد:p

لكن بقولكم عن تعهد رفيجتى..
مره بشهر رمضان كنا نمشي شله ما ورانا شي ولا شيات بس منحاشين من الحصه:o
ووحده من رفيجاتى مصدقه عمرها قاعده تأكل مصاصه عبالها في بيتهم:cool: قلت لها يا بنت الناس الحين ان شافتج المشرفه بتروح علينا كلنا وراح تحقق معانا ويا بنت الناس ترا مو وقته ورفيجتى تقول المصاصه لذيذه ما بهدها:confused:
المهم احنا صفنا فوق يم غرفة المشرفا<< من الحظ الردي:o
شوى وبيطق الجرس يعلن عن الحصه التاليه تلحقنا على عمرنا لان ورانا حصه مدرستها بليسه دوم تحط علينا<< من زود الشطاره:D
المهم صعدنا فوق واحنا نضحك على وحده طايحه الا المشرفه بويهنا قمنا نسوى فيها راجعتى وما راجعتى<< بس المشرفه ما فاتها تسألنا تعالو بنات انا دوم اشوفكم تتجولون:confused:
قالت لنا ها جداولكم يالله واهى تكلمنا الا رفيجتى اللي متحمسه وترد على المشرفه تتطلعها المشرفه وتقولها الله الله مصاصه بشهر رمضان:mad:
وقامت تزفها عاد احنا ما ضحكنا ولا شي << قالت دام هالبنات ذربين مشو وانتى يا ام مصاصه تعالي اعطيج تعهد:mad:
بس مشينا الا قمنا نضحك لين توقفنا بالحصه اللي علينا:D

[ابراهيم]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين


لا طبعاً ما حصلت على تعهد

المفروض اتحصلين

تشردين بعد هاااا ( مسويه الى روحه شلة ) اتفكرون روحكم مصبنة

لكن بشتكي عليك

[زينب الحوراء]

السلام عليكم ورحمة الله وبركاته
تعود بنا هذه القصص الى ذكريات المدرسة بكل ما تحمله من حلو ومر.
عن نفسي لم أحصل على تعهدات أبدا ما شاء الله علي عاقلة ومتزنة
بس حصل معي موقف من يومها تعلمت شي مهم.
في الصف الخامس الابتدائي , درس العلوم .. حافظة الدرس مثل كرج الماي, مثل ما يقولون باللبناني .. والمعلمة سألتني سؤال وجاوبت عنه كله لحد ما وصلت لآخر كلمة وهي جهاز تنفس الاسماك .. محسوبتكم وقفت:confused: . وجهي ولع نار قد ما احمر وبقيت اتطلع بالمعلمة وخايفة ..
خمس دقايق وهي تاركتني اتذكر كلمة "الخياشيم" ما تذكرت.
بالأخير ضربتني بالمسطرة :( . ضربة وحدة بس
والله العظيم بريئة, مظلومة يا ناس. ما وقفت الا على كلمة .. بس من يومها صرت اعرف الخياشيم وشلون تتنفس السمكة ..والتوبة يا ناس
أول وآخر مرة

تحياتي

[ربيع الاحزان]

اللهم صل على محمد وآل محمد

صارت معااي وانا في الصف الثالث ثانوي

كنت في مدرسة كلها سنة ووهابية في واحد كان جالس وراي بالضبط

في البداية كان محترم معااي مزح مزحة معااي وانا ماتقبلتها

فقولت له احترم نفسك وطلعت كلمة بعدهاا من القهر

فالحاصل قام ضربني بالمقلمية ( طبعا حافظة الاقلام)

في ايدي وسبني قال لي يانخولي ( بمعنى يابحراني)

ولانهم اخذين كلمة نخولي كا مسبة انا مااستحملت

اعطيته بوكس على فمه طلع دم منه شوي عاد نفس الكلمة

واعطيته بوكس اقوى من الاول حتى دمه طلع وقتهاا

كانت حصة فيزياء والمدرس كان كبير في السن

قالي اطلع بره الفصل واخذوني على وكيل المدرسة

طبعا طلعت منها زي الشعرة من العجين

دمتم سالمين:

[الفلة الزينبية]

اللهم صلي على محمد وال محمد وعجل فرجهم

اني ولا مرة حصلت تعهد واني وحدة خجولة وخوافة
لكن كنت كل اغيب ويجبون الي انذارات ولا اهتم

[آمنه]

السلام عليكم ورحمة الله وبركاته..........
هههههههههه هههههههههههههههه هههههههههههه تعهد!!!!!!!!!!!! كنت بحصل على تعهد بس الله ستر وانعفى عني بس مااااااارحت بعيد عطوووني مخااااااالفه:p:p:p

[مريام]

÷ههههههههههههههههاي ولا مرة بحياتي حصلت ولا بحصل

[فواطم]

السلام عليكم

حلوه منج دموع السماء داشه تتشمتين هههههههه شوفي لفضايح بس

بنات اخر زمن ينحاشون بعد :D الي يشوف مانحشت ولا سويت شي بحياتي.

لما كنت بالمدرسه شيطانه كنت واجد لو على البلاوي الي سويتها ماتنعد

ككككككك لكن بقول لكم ازيد ووحده اتذكرها وحصلت على تعهد .

الله يسلمكم كان عندنا اختبار عربي وكانت المدرسه مصريه(عليّه)

اسمها المهم خصلنا انا وصديقتي من الاختبار قالت لي وحده معجبه

جابت لي رساله وانا ماعرف اكتب رسايل انتي كتبي لي :cool:

محسبوتكم شوي تعرف تهر في الرسايل , المهم قمت اكتب وصديقتي

وياي ماشفنا الا المدرسه طايحه علينا واخذت الرساله احنا قلنا ماتسوي

شي هذا المدرسه طيبه وعلى نياتها اتاري مدرسه ثانيه وزتها الا تودينهم

المشرفه :o شوفوا النحس , ودونا يوم ثاني وهزاتنا المشرفه قدام

ولية امر وحده وافضيحتااااه بعد لو بروحنا اشوه وعطتناتعهد

وقالت دلفوا :rolleyes: . من ناحية مظلومه طل ههه استاهل كل

الي يجرالي .


أختكم فواطم

[فواطم]

سلام من جديد

بمناسبة التعهد والطرد انقل لكم هذه القصه:D

اكبر تلميذ سناً في العالم مهدد بالطرد من المدرسة

يواجه جد ثمانيني الطرد من المدرسة الابتدائية في كينيا لأنه كثير الازعاج.
وتقول صحيفة «ديلي تلفراف» انه من المعتقد ان كيماني ماروغ البالغ من العمر 84 هو اكبر تلميذ في العالم.

وكان ماروغ قد التحق بمدرسة كابكنديوو الابتدائية في العام الماضي وأخذ مكانه بين التلاميذ الأطفال في الصف الأول.

غير ان آباء وأمهات التلاميذ يتذمرون من ان ماروغ كثير الازعاج ويحول دون تركيز ابنائهم على الدروس.

ولم يستطع ماروغ الالتحاق بالدراسة اثناء طفولته لاضطراره لرعي المواشي ولم يكن في وسعه الانتظام في التعليم الا بعد ان الغت الحكومة رسوم الدراسة الابتدائية في عام 2003.

وقالت جين اوبنسثو مديرة المدرسة: «لقد اعجبت برغبته في التعلم ومن ثم خصصت له مكاناً بالمدرسة».

ولكنه ما ان بدأ الدراسة بالصف الثاني هذا الشهر الا وأخذ بعض أولياء الأمور بتذمرون من كثرة ازعاجه.

وقال احد الآباء: «أطفالنا لا يستطيعون التركيز. انهم يتغالطون حول ما سيفعله في المرة التالية.انه يحاول الهيمنة على الفصل».

ويقول ماروغ ان هذه الاتهامات باطلة. ولكن أولياء الأمور يعارضون ذلك بأن مورغ الذي كان ترتيبه الأول في العام الماضي كان مدللاً من قبل التلاميذ وشككوا في العلاقات التي حصل عليها.

وقال ماروغ: «سأموت اذا طردوني». وقرر اكبر تلميذ سناً في العالم مقاضاة الحكومة البريطانية لاساءتها معاملته خلال ثورة الماو ماو في الخمسينات من القرن الماضي.

منقول

اختكم فواطم

[مريام]

هههههههههههههههههههاي يسلمو فواطم
حلوة منج

[ابراهيم]

السلام:) :D :o ;) :p :eek: :D
اللهم صلي على محمـــــــــــــــ< وآل محمــــــــــــــــ<

شكرا ً أختي فواطم:rolleyes:
على هذه المعلومة الجميلة والغريبة :D

[نور الولايــه]

السلام عليكم
هههههه حلو الموضوع
انا قبل أسبوعين حصلت تعهد من عند مدرسه الرياضات
كنت في الفسحه وتاخرت على الصحه ويوم جيت قالت مدرسة الرياضات
روحي الى الادراه وجيبي ورقه ويوم رحت الى المديره قالت لي أكتبي تعهد وخلاص قمت اصيح وانا أكتب هالتعهد ولا تقول اول مره مافيه اي مشكله بس اذا كتبتي تعهد مره ثانيه فصل تاديبي واذا تكرر التاخير راح نوديج التوجيه بس انا مظلمومه لان كان علينا حصه دين وقالت لينا عااادي لو تاخرو في الفسحه
بس حسيت بالفشيله يوم أكتب تعهد
تحياتي للجميع
نور الولايــه

[أنوار الزهراء]

هههههه مواقفكم مضحكة والله ضحكتوني
عن نفسي ما حصلت ولا تعهد محد يقدر يصيدني متلبسة
انا دائما من تمر احد الطالبات عليي امد قدمي علشان اعرقلها
لاشعوريا صارت عندي هالحركة
ومن تقوم بنية تجاوب ادور ليها اني وصديقتي ونتعمد انضحكها
والبنات على طول يشتكون عند المعلمة
عاد المعلمة الكشخة ما تصدقهم وتقول لا ما تسويها ما اصدق
حتى جاء ذلك اليوم الا شافتني فيه ارمي المقلمة على صديقتي
شان اتقول ها من تحت لتحت طلعتين مو هينة
وفي موقف ما انساه
يوم كنت برابع ابتدائي كنت مزعجة بالدرجة الاولى وكان اول حصة ومسوية فوضى
اشوي الا المعلمة اتفتش على الواجب وانا خبركم ما كتبته
على طول مسطرة خشب عريضة ضربتين على كل ايد
ولا اسوي روحي شجاعة اقول ليها ما ألمني وأني ذبت من الالم
ومن يومها الواجب يأتي اولا
يعطيكم العافية

[ماريا]

تسلمي عزيزتي على الموضوع


مع تحياتي

[مريام]

هههههههههاي
آني آخر يوم قبل الامتحانات صف السادس حصلت تعهد لاني تهاوشت ويه وحدة ومسكينة ما خليت فيها روح خخخخخخخاي بس حصلت زف من الكل لان يقولون هذي الشاطرة وجذي عيل الباقي شنو هههاي مسكينة آني حصلت الزف من جميع المعلمات