الاشتري
06-01-2008, 02:57 PM
اهداء الى سيدة الاحرار
بطلة الطف
ام الايتام ولسان الفواطم
زينب عليها السلام
زينب ليل العاشر صاحت ** ليك تنادي يا حسين
اخر ليله بعمرك ناحت ** يبن الهادي يا حسين
فوك الخيل الداست ضلعك *** باجر يحسين احنه نودعك
اخوتي الودعت ليهم ** مشوا وسفه لمناياهم
سيوف بكل فخر هدت ** تكص راس التلكاهم
ليوث لحيدره انتسبوا ** حمه لكلمن تنخاهم
يلوذ الخايف بسدهم ** يفوز الصايل وياهم
درسوا عد حيدر وتعلموا ** وانته الاول يا حسين
وصاهم وبحجيه التزموا ** وانته الافضل يا حسين
راد الباري يمه يرفعك *** باجر يحسين احنه نودعك
اشوفه يصب يخضب الخد ** سكه تراب الارض دمك
شلت همي بزغر عمري ** كبرت انه وشلت همك
ابوي انته اصبحت وانه ** صرت بعد اليتم امك
لون بيدي على موتك ** وسط كلبي ردت ضمك
ادعي الباري يصبر كلبي ** من يذكركم يا حسين
انته الشمعه التضوي بدربي ** واجب حبكم يا حسين
ياوسفه اطفه الظالم شمعك *** باجر يحسين احنه نودعك
دمعتي بكل وفه لاجلك ** ابد ما فاركت عيني
حنينه وي الجفن صارت ** تصب تمطر تواسيني
احاجيها صرت عنك ** ترد عنك تحاجيني
وابجي الماطره على الخد ** واذا جفت تبجيني
صرت بذكرك يا بو اليمه ** الهج دومي يا حسين
ثوبك عندي ودوم اشتمه ** فوك اهمومي يا حسين
هلبت تغسل كلبي بدمعك *** باجر يحسين احنه نودعك
على عناد الفرات انته ** تروي اهل العطش بيدك
يمنعون النهر عنك ** يموت مفرفح وليدك
حزن حتى الفرح لاجلك ** لبس اسود بجه بعيدك
يخويه اتوسلك تنهض ** كفاني مفارك عضيدك
صدكني فراكك تعبني ** انظر حالي يا حسين
ما ريد الكافر يسلبني ** وانته الوالي ياحسين
توفي وي اختك ادري بطبعك *** باجر يحسين احنه نودعك
اعاين عالرمح راسك ** رجف من طاحت الطفله
شفت دمعه بجفن عينك ** يبيت المصطفى واهله
وكفت بلا وعي ولنه ** يعت بيه ويجر حبله
احس بدمعتي صبت ** دمه وصارت اللي كحله
انته دموعي الصبت عالخد ** دم وتجري يا حسين
طفك ناري وما ظن تبرد ** كسرت ظهري يا حسين
من بعدي ياهو اللي يشيعك *** باجر يحسين احنه نودعك
صفينه على الرمل نمشي ** يعت بينه الحبل ويجر
واحس جنك توصيني ** تريد على المحن اصبر
سحابه اصبح جفن عيني ** غصب فوك الجفن يمطر
وحك ضلع البتول امي ** صفه بضلعي الوكت يكسر
اتوسل بيك تسامحني ** مابعد اكدر يا حسين
بعدك جا ياهو يفرحني ** يا بن حيدر يا حسين
وكبالي سيوف اللي تكطعك *** باجر يحسين احنه نودعك
صدك مالي ذنب لاجن ** انه من امي تراني اخجل
اذا باجر عفت جثتك ** على تراب الارض وارحل
اخافن لا تعاتبني ** شكولن لو علي تزعل
زعلها وكربله تساون ** جبل فوك الجتف واثكل
يا من فوك الكاع امدد ** اختك زينب ياحسين
خلني وياك بن امي اتوسد ** اصرخ وانحب يا حسين
حد ما ربي علينه يرجعك *** باجر يحسين احنه نودعك
بطلة الطف
ام الايتام ولسان الفواطم
زينب عليها السلام
زينب ليل العاشر صاحت ** ليك تنادي يا حسين
اخر ليله بعمرك ناحت ** يبن الهادي يا حسين
فوك الخيل الداست ضلعك *** باجر يحسين احنه نودعك
اخوتي الودعت ليهم ** مشوا وسفه لمناياهم
سيوف بكل فخر هدت ** تكص راس التلكاهم
ليوث لحيدره انتسبوا ** حمه لكلمن تنخاهم
يلوذ الخايف بسدهم ** يفوز الصايل وياهم
درسوا عد حيدر وتعلموا ** وانته الاول يا حسين
وصاهم وبحجيه التزموا ** وانته الافضل يا حسين
راد الباري يمه يرفعك *** باجر يحسين احنه نودعك
اشوفه يصب يخضب الخد ** سكه تراب الارض دمك
شلت همي بزغر عمري ** كبرت انه وشلت همك
ابوي انته اصبحت وانه ** صرت بعد اليتم امك
لون بيدي على موتك ** وسط كلبي ردت ضمك
ادعي الباري يصبر كلبي ** من يذكركم يا حسين
انته الشمعه التضوي بدربي ** واجب حبكم يا حسين
ياوسفه اطفه الظالم شمعك *** باجر يحسين احنه نودعك
دمعتي بكل وفه لاجلك ** ابد ما فاركت عيني
حنينه وي الجفن صارت ** تصب تمطر تواسيني
احاجيها صرت عنك ** ترد عنك تحاجيني
وابجي الماطره على الخد ** واذا جفت تبجيني
صرت بذكرك يا بو اليمه ** الهج دومي يا حسين
ثوبك عندي ودوم اشتمه ** فوك اهمومي يا حسين
هلبت تغسل كلبي بدمعك *** باجر يحسين احنه نودعك
على عناد الفرات انته ** تروي اهل العطش بيدك
يمنعون النهر عنك ** يموت مفرفح وليدك
حزن حتى الفرح لاجلك ** لبس اسود بجه بعيدك
يخويه اتوسلك تنهض ** كفاني مفارك عضيدك
صدكني فراكك تعبني ** انظر حالي يا حسين
ما ريد الكافر يسلبني ** وانته الوالي ياحسين
توفي وي اختك ادري بطبعك *** باجر يحسين احنه نودعك
اعاين عالرمح راسك ** رجف من طاحت الطفله
شفت دمعه بجفن عينك ** يبيت المصطفى واهله
وكفت بلا وعي ولنه ** يعت بيه ويجر حبله
احس بدمعتي صبت ** دمه وصارت اللي كحله
انته دموعي الصبت عالخد ** دم وتجري يا حسين
طفك ناري وما ظن تبرد ** كسرت ظهري يا حسين
من بعدي ياهو اللي يشيعك *** باجر يحسين احنه نودعك
صفينه على الرمل نمشي ** يعت بينه الحبل ويجر
واحس جنك توصيني ** تريد على المحن اصبر
سحابه اصبح جفن عيني ** غصب فوك الجفن يمطر
وحك ضلع البتول امي ** صفه بضلعي الوكت يكسر
اتوسل بيك تسامحني ** مابعد اكدر يا حسين
بعدك جا ياهو يفرحني ** يا بن حيدر يا حسين
وكبالي سيوف اللي تكطعك *** باجر يحسين احنه نودعك
صدك مالي ذنب لاجن ** انه من امي تراني اخجل
اذا باجر عفت جثتك ** على تراب الارض وارحل
اخافن لا تعاتبني ** شكولن لو علي تزعل
زعلها وكربله تساون ** جبل فوك الجتف واثكل
يا من فوك الكاع امدد ** اختك زينب ياحسين
خلني وياك بن امي اتوسد ** اصرخ وانحب يا حسين
حد ما ربي علينه يرجعك *** باجر يحسين احنه نودعك