بعض لعيال يفشلون!؟.... دخلوا أعلمكم ليش!!

[زينب]

السلام عليكم ورحمة الله وبركاته

الأطفال أحباب الله ... كلام سليم
بس أحيانا ودك تكفخهم من المواقف اللي يحطوك فيها..

بذكر لكم موقف صار لي مع بنتي الله يهديها, كنت رايحة قراية حسينية في بيت جدي وأغلب اللي يحظرون شياب وأول ماجلست دخلت مره عجوز المجلس وهي مريضة المسكينها وشفتها صاير كبيرة أشوي ونازله على تحت ( اللهم لاشماته إذا الله كتب كلنا بنمر في هالمراحل) زين المهم دخلت وكنت أنا جمب الباب كانت جاية بتسلم علي وتروح بنتي تأشر عليها وتقول بصوت عالي يمه شفيها مسويه جذا وهي تقلد على شكلها بشفتها وأنا أسكتها وهي تروح وتجي وتعيد في السؤال لمن راحت المره وقلت لبنتي هذي مريضة مسكينه وقتنعت أشوي.

زين الموقف الثاني في نفس اليوم كانت جالسة جمبي مرة عجوز أعيونها جاحظة المسكينه من كبر السن تأشر عليها وتسألني يمة شفي عيونها ليش جذا وسكتها وقلت لها هذي مريضة.

زين وفي يوم كنت رايحة مناسبة وجلست جمب وحده أسنانها كبيره وطالعة لبره شافت المره بنتي وتقبلتها واجد وحبت تلعب بنتي وأبتسمت في وجه بنتي راحت بنتي تقلد عليها وتطلع أسنانها علبالها تلعب معاها والله فشلت واجد بس كل ما أتذكر الموقف وتخيل شكل بنتي وهي بكل برائة تقلد عليها أموت ضحك

أما بقية القصص فهيا منقوله حبيت أعرضها لكم

* الكلام على لسان الأمهات *...

تقول وحده من الامهات ..

( كنت معزومة على حفل عشاء فأخذت ابنتي الصغيرة معي
فلما جلسنا حول البوفيه ظنت انه مطعم وقالت بصوت عال هذا
الأكل بفلوس والا ببلاش فضحكوا عليها الحاضرات..)

والثانية ...

( جانا ضيوف وجابوا معهم هديه للمولود الجديد فكان ابني يريد
فتحها فقلت له ( اصبر حتى يذهبوا ) صار يدخل ويطلع ولما مل الولد
من الانتظار دخل وقال بصوت مرتفع ...
(خلاص أبفتحها شكلهم بينامون عندنا )

وقالت وحده بعد ...

( ذهبنا في زيارة لعمات زوجي وحده منهم كبيره في السن قلت لولدي
حب راسها فرفض وقال ( ريحة راسها شينه ) يقصد الحناء شوفوا
الإحراج اللي صار لي )

كما قالت>>>>( بالفصحى أحلى)

( جتني وحده من صديقاتي وكانت ملامحها تشبه دول شرق أسيا
فجلست بنتي تطالعها بقوه لما قلت لها عيب ردت وقالت ( شكلها
شغالة ) )

هذه من جد يبغالها بالشنطه على راسها..

( اخذت من اختي شنطه ورحنا لحفله ومعنا بنت اختي ولما وصلنا
وخلعت عبايتي حتى شافت الشنطه وقامت تسحبها بقوة
وهي تقول ( حقت ماما هاتيها ) وانا احاول اسكتها )

وآخر وحده تقول ..

( زوجي كان عنده ضيوف على العشاء وحطيت العشاء كله لهم
وكان ولدي يبي يتعشى قلت له: اذا خلصوا الرجال بنتعشى..
رحت اصلح لهم الشاهي ...وهو دخل على الضيوف وقال لهم
( لا تخلصون العشاء لانا بنتعشى أنا وأمي بعدكم )
شوفوا وجه ابوه وقتها )

يلا نبي مواقف صارت لكم مع أطفال مضحكة

[ام احمد]

بسم الله الرحمن الرحيم
انا ما اقرا المنتديات على طول فمن جذي اطوفني اشيا وايد
انا بتكلم عن بنتي لما كان عمرها ثلاث سنوات كانت عندنا فاتحة
وجتنا امراة غريبة تعزينا المراة هذي فيها حول بعينها من شافتها بنتي
والا تقول لجدتها طالعي المراة ليش اعيونها جذي وكلما بغوا اسكتونها مب ساكتة
انا هالحزة سويت روحي ما اشوف شي .
الموقف الثاني
ولدي هذا على طول يضحك واقل شي يضحكه
زارتنا وحدة من اهلنا ومعاها بنتها الصغيرة
من شافها والا هو متفرقع من الضحك تدرون ليش
لان لونها اسود وكلما ابي اسكته مو ساكت كلحين
وقال سودة شوفيها يمه سودة بعد ما مشوا اقوله عيب
انقول عن احد جذي الله ما بيرضى ولا كاني
تكلمت يوم ثاني احطون بالتلفزيون رجل اسود
قعد يضحك عليه
سوالف الصغار ومقالبهم ما تنتهي
واحنا الي انطيح فيها

[ناصرنورالدين الانصاري]

الله يكون في عونكم يالامهات من عياكم والله مشكلة لكن تظل ذكري حق الطفل لمن يكبر انشاء الله ويصير رجال

[الحزينه]

السلام
الله يكون في عونكم
صج يفشلون

[يوم سعيد]

بسمه تعالى
نحن أيضاً وحينما كنّا في مثل أعمارهم أزيد وأكثر حماقة !! فظاهرة مثل هذه طبيعية ، فدعوه يعبّر عن مشاهداته اليومية وتعليقاته تجاه ما يراه شاذاً وغريباً 00 فلا تحكروا ردات فعل أولادكم ولكن أحيطوهم انتباهاً بأن لا يتجاوزوا حدودهم الأدبية مع الآخرين 00
أما أنا فسأعرض عليكم شقاوة أحد الأولاد الذي أعجبني فعلاً 00 وكنت أفتخر بما قاله وبذلك الانطباع الذي بدر منه : ففي أحد المرات وبينما كنت أتسوق في أحد المجمعات رأى الطفل مشهد امرأة وهي غير متحجبة وقد خنقت جسدها بتلك العباءة الضيقة وهي تمشي تتمايل غير قادرة على السير بسبب حذاءها الرفيع 00 فعلق الطفل ساخراً 00 بصوت مرتفع ونحن قريبون من هذه المرأة 00: هذه المرأة قليلة أدب ترقص في الشارع !!!! تخيلوا هذا التعليق 00 فضحكت بخجل ولكنني لم أغضب مما قاله هذا الطفل 00 الذي لم يكذب في تعليقه ورأيه ، فقد رأى ما يستوجب التعليق 00
تحياتي
يوم سعيد

[احبك امي]

انا بقولكم عن اخوي كان شقي جدا..........

كان مفشلنا
كانو اهلنا يقولون لنا ان الي تلبس عبايه مقلوبه يعني تبغي تتزوج

وفي ذاك اليوم جات لنا حجيه لسانها طويل تمشي وتهذر

دخلت الا شافها اخوي ولابسه عبايه مقلوبه قام يصرخ ويقول الحجيه تبغي تتزوج لابسه العبايه مقلوبه ..... مسكينه تفشلت لان بعد زوجها متوفي :(

وكان اذا اتصل احد يبغي فلان يقوله فلان مب موجود والشخص المطلوب جالس جمبه

واذااحد جا عندنا يطرده ويقول لهم ماعندكم بيت ليش جايين

كان مفشلنا في كل مكان ومع كل الناس لو اقص عليكم الى بكره ماراح اسكت :cool:

[فاطمةالكربلائية]

بسم الله الرحمن الرحيم
اللهم صل على محمد وال محمد
السلام على ام المصائب زينب ورحمه الله وبركاته
السلام عليكم اخوتي واخواتي المؤمنين ورحمه الله وبركاته



مشششكورة اختي العزيزة زينب على الموضوع الحلو وانا ايضا راح اتكلم عن طفله بس هاذي الطفلة هي انا

عندما كنت صغيرة مرة اجت لامي صديقتها انا كنت فرحانه كثير راحت امي جلست مع صديقتها قمت رحت انا لغرفتي ولبست كــــــــــل التنورات الي عندي وفتت على الضيفة فأمي قالت لي هاي شنو شمسويه بحالج قمت قلت لها امام الضيفة (( اي علشان صاحبتك ما تفكر اني ما عندي ملابس )) :D


واشوف صديقتها كانت بس تضحك وفشلت امي المسكينه :p

[احبك امي]

السلام عليكم ورحمة الله وبركاته

اختي في صف اول ابتدائي

طبعا المنهج صار جدا صعب وهي معطينها سورة الهمزه كنت اذاكر لها السوره وهي النوم موصل عندها اقول لها ويل وهي تعيد وانا قصدي ابيها تكمل واقول لها ويل وتعيد وبعدين قلت لها ويل قلت لها كملي وعدت لها ويل لكل قالت ويل لكل الناس هههههههههه :d